នារសៀលថ្ងៃទី១១ ខែធ្នូ ឆ្នាំ២០២៣ អគ្គលេខាធិការដ្ឋានព្រឹទ្ធសភា (អ.ពស) វិទ្យុមិត្តភាពកម្ពុជាចិន និងសមាគមអ្នកស្រាវជ្រាវវឌ្ឍនភាពកម្ពុជា-ចិន បានរៀបចំពិធីតាំងពិព័រណ៍សមិទ្ធផលខួប១០ឆ្នាំនៃការរួមគ្នាកសាងខ្សែក្រវាត់ និងផ្លូវរវាងកម្ពុជា-ចិន  និងកិច្ចសំណេះសំណាលជាមួយប្រិយមិត្ត អបអរសាទរខួបគម្រប់១៥ឆ្នាំនៃការបង្កើតវិទ្យុមិត្តភាពកម្ពុជាចិន នៅសាលសិក្ខាសាលាបណ្ណាល័យវិមានព្រឹទ្ធសភា។
ពិធីនេះប្រព្រឹត្តទៅក្រោមអធិបតីភាពលោក ជួន សុខធី អគ្គនាយស្តីទីនៃអគ្គនាយកដ្ឋានព័ត៌មាន និងទំនាក់ទំនងសាធារណៈ កញ្ញា Yao Shiya ប្រធានវិទ្យុមិត្តភាពកម្ពុជា-ចិន និងឯកឧត្តមបណ្ឌិត ជា មុនីឫទ្ធី ប្រធានសមាគមអ្នកស្រាវជ្រាវវឌ្ឍនភាពកម្ពុជា-ចិន ដោយមានការចូលរួមពីមន្ត្រីរាជការនៃអគ្គលេខាធិការដ្ឋានព្រឹទ្ធសភា តំណាងក្រសួងអប់រំយុវជន និងកីឡា ក្រសួងវប្បធម៌ និងវិចិត្រសិល្បៈ តំណាងសកលវិទ្យាល័យភូមិន្ទភ្នំពេញ វិទ្យាស្ថានខុងជឺ តំណាងប្រិយមិត្តអ្នកស្ដាប់របស់វិទ្យុមិត្តភាពកម្ពុជា-ចិន
និងតំណាងប្រិយមិត្តអ្នកស្ដាប់វិទ្យុមិត្តភាពកម្ពុជា-ចិន
ព្រមទាំងនិស្សិតមកពីសាកលវិទ្យាល័យអាស៊ីអឺរ៉ុម។
អង្គពិធីដំណើរការតាមកម្មវិធី មានជាអាទិ៍៖
១-ពិព័រណ៍ស្តីពីសមិទ្ធផលខួប១០ឆ្នាំនៃការរួមគ្នាកសាងខ្សែក្រវាត់ និងផ្លូវ
២-សុន្ទរកថារបស់ប្រធានវិទ្យុមិត្តភាពកម្ពុជា-ចិន កញ្ញា Yao Shiya ៣-សន្ទរកថាលោកជួន សុធី អគ្គនាយកស្តីទីនៃ អគ្គនាយកដ្ឋានព័ត៌មាន និងទំនាក់ទំនងសាធារណៈ
៤-ទស្សនាខ្សែរវីដេអូស្តីពីសមិទ្ធផលវិទ្យុមិត្តភាពកម្ពុជាចិន
៥-ទស្សនាខ្សែរវីដេអូសារជូនពររបស់ភ្លៀវកិត្តិយសសំខាន់ៗ
៦-ទស្សនាខ្សែរវីដេអូសម្ភាសន៍ទស្សនិកជន និងប្រិយមិត្តអ្នកស្តាប់វិទ្យុមិត្តភាពកម្ពុជាចិន
៧-សុន្ទរកថា ឯកឧត្តមបណ្ឌិត ជា មុនីឫទ្ធី ប្រធានសមាគមអ្នកស្រាវជ្រាវវឌ្ឍនភាពកម្ពុជា-ចិន។

ប្រភព៖ នាយកដ្ឋានព័ត៌មាន